ŞÊWAZ Û ZIMANÊ HELBESTA BERKEN BEREHÎ

Di serboriya min a helbestê de min her hewl da ku xwe û helbesta xwe bêyî ku dür bikevim ji nerit û kelepora heyî lê çend gav ji wê pêştir û her bi gor estetikeke modern û hişeke zelal lê bikim. Her wiha divê ew li gor hest û hissiyata dilê min an qet nebe li tengala wê durv û teşe bigire û rawest e.

Wek her şairê ciwan dema min dest bi hel-bestê kir bêhtir bi hest û hîsên xwe min helbest lê dikirin. Paşê bi wext û demê re, bi xwendinên xwe yên li ser tioriya helbestê û bi têkiliya bi xwendinên şairên beriya xwe lê hay büm ku divê helbest bibe bersivën çawa, bi çi awayî, bo çi û bo kê di xwe de bihewine. Yanî divê helbest bi awayek sistematik be. Hem berdevkê ruh ú giyan û xewn û xiyalên şair be, hem ji dost ú hogir û hevalekî jidil û dilsoz yê mirovahiyê be. Encax bi vî awayî şi'rek dikare bibe endamek yê civata şi'r û şairan. Û her wiha bi nasnameya xwe ya xwemali ji wî bexçî şên û gumreh bike.